Bo Nadal 2025!

Clica na imaxe para vela ampliada

 

FOLLETOS DE PRESENTACIÓN

Para efectuar a descarga do folleto que che interese, clica sobre a portada:

FASE PREALFABÉTICA

FASE ALFABÉTICA

Bo Nadal 2023!

Clica na imaxe para vela ampliada

 

Bo Nadal 2022!

Clica na imaxe para vela ampliada

[Cadriño inédito]

A Becerriña Perdida

A becerriña de Marica e Manoliño leva trazas de querer andar o mundo, coma o burro Trotón. Aínda é moi noviña, mais intencións non lle faltan.
Xa aos poucos días de nacer fixo intentos de saír ela soa polo monte. Os seus pais avisárona de que se marchaba de exploración non podería mamar no teto da nai...

Compositor: Fernando Fernández Picos

Lúa, linda lúa...

 

Marica, Manoliño e o burro Trotón están prendados da lúa. Toda a súa teima é chegar a ela. Desta vez, ao ver a lúa chea tan espléndida e fermosa non puideron resistir a tentación, por máis que xa sabían que llelo impedirían.
Pensaron Marica e Manoliño que desde o cimo dun alto piñeiro poderían chegar ata a lúa. O burro trotón foi o primeiro en decidirse, mais... ¿darían feito?

Compositor: Fernando Fernández Picos

Bo Nadal 2021!

Pica na imaxe para vela ampliada

 Para a nosa nadaliña deste ano, confesamos que o Apalpador escribiu tamén outras coplas posibles. E aínda que nos decidimos finalmente escribir esta na felicitación, non nos resistimos a escribir as outras aquí:

Á xente da montaña
hoxe quérenlle trocar
castañas por "viraventos" 
e o sustento derramar.

 

Algún monte con "muíño"

podería non ser nada,

encher deles as montañas

é unha barrabasada.

Boas festas!

Raña que te raña... na mellor castaña!

Marica e Manoliño atoparon unha castaña xigante e tíñana agachada ao pé do castiñeiro, cuberta de follas. Queríanlla amosar aos seus amigos para despois plantala e coidar do castiñeiro que dela nacería. Facíalles ilusión ter un castiñeiro de todos, poñerlle un nome e telo para toda a vida coma un verdadeiro amigo.
Pero antes de que poidesen facer nada, adiantóuselles o ratiño...

Compositor: Fernando Fernández Picos

Vaia esvarón, o do burro Trotón!

A outra noite de lúa chea o burro Trotón espertou coa moita claridade e ergueuse para adestrar, pensando que era de día. Marica e Manoliño sentiron abaloucar nas portas e tamén se ergueron para ver o que pasaba. Tamén o moucho, que estaba a facer a súa voada nocturna, atopou ao burro Trotón adestrando a toda mecha...

Compositor: Fernando Fernández Picos

Chir, chir, Chirlo Merlo

Marica, Manoliño e o burro Trotón andan moi interesados en coñecer a vida do Chirlo Merlo. Sempre andan vixiando por onde se move para poder observalo. Tamén lle preguntan á xente maior sobre a vida deste paxaro.
Marica e Manoliño queren mandar cartas aos seus amigos da cidade e ás/aos compañeir@s doutras escolas para contarlles o que aprenden sobre Chirlo Merlo. Xa teñen preparado un libriño cheo de debuxos...

Compositor: Fernando Fernández Picos

Nas noites de lúa chea... hai aventuras na aldea.

Durante o día, hai moita actividade en Chirlo Merlo: uns traballan, outros enredan, outros cantan... Mais cando chega a noite, o que hai é moito sono. Tod@s acaban cansos cos quefaceres do día.

Agora que, de cando en vez, algún esperta por mor dun ronquido. E cando isto pasa, algunha trasnada pode suceder. Esta noite tocoulle ao burriño trotón, que espertou cos terribles ronquidos do hipopótamo...

Compositor: Fernando Fernández Picos

Canción "Nas noites de lúa chea..."

Chirlo Merlo e a súa merla, ademais de visitar as escolas, percorren outros lugares. Cargados de cartas, e canta que te canta, voan cara aos/ás seus amig@s, que esperan emocionados as novas noticias.
Nada máis albiscalos, o burro Trotón ponse a ornear para anunciar a tod@s a chegada do carteiro e aló se vai a trote. Os/as amig@s non queren quedar atrás.
Mentres, Marica, Manoliño e Lola  argallan coa axuda do hipopótamo as lerias e debuxos para as cartas que lle queren enviar aos/ás nen@s das escolas. E tan contentos están polas novidades e alegrías que portan consigo os chirlos, que tamén deciden inventar unha copla e cantárllela cando cheguen. Mais... será capaz o burro trotón de gardar o segredo?

Compositor: Fernando Fernández Picos

Canción "Chirlo Merlo vai voar"

A Chirla Merla púxose a chocar o oviño que puxo, mentres entre os dous facían plans para os seus fillos. Ás veces chocaba ela e ás veces chocaba el, porque os nosos chirlos facían todo en común: -Escoita, Chirlo Merlo -díxo un día a Merla-. Como nós somos aventureiros e sempre nos tentou ir coñecer o mar, que che parece se lle aprendemos ao noso fillo a voar sen cansar e imos todos xuntos aló? -Pois paréceme ben. Seica o merliño, acurrucadiño dentro do ovo, púxose moi contento e déronlle máis gañas de saír.

Compositor: Fernando Fernández Picos

Canción "Chir, chir, chir..."

Tan feliz está Chirlo Merlo co nacemento do merliño que, cantareiro e animoso como el é, cántalle á merla unha inspirada canción.

Compositor: Fernando Fernández Picos

Canción "Merla Merliña"

Chegada a primavera, Chirlo Merlo aparellou cunha compañeira tan leda e chiadora coma el e decidiron facer un niño para criaren os fillos que queren ter. Buscaron un sitio abrigosiño, fermoso e tranquilo que resultou ser un burato debaixo das tellas da casa de Martiño. Martiño era un rapaz amante dos paxaros co que Chirlo Merlo xa tiña grande amizade.
Cando naceu o merliño, Martiño estaba tan encantado que o celebrou compoñendo unha canción.

Compositor: Fernando Fernández Picos

Canción-conto do Chirlo Merlo carteiro

Para esta tempada, Chirlo Merlo propúxose un fantástico oficio: anda de carteiro por todas as escolas que teñan interese en facer correspondencia entre elas.
A chegada de Chirlo Merlo a unha escola é un dos máis fabulosos acontecementos que lles pode suceder aos/ás escolinos/as. Cando chega, @s nen@s amontóanse darredor para falar con el e para recoller as cartas. A clase convértese nunha emocionada e feliz algarabía...

Compositor: Fernando Fernández Picos

Canción-conto de presentación aos/ás nen@s máis pequenos

Primeira presentación de Chirlo Merlo, un paxaro moi vivo e alegre, con moitísimas amigas e amigos. Tan coñecido é que ao lugar onde vive xa lle chaman tamén Chirlo Merlo.
O que máis lle gusta a Chirlo Merlo é que haxa alegría e unha gran amizade entre todos os nenos e todas as nenas. Para iso, el e máis os habitantes de Chirlo Merlo están dispostos a que falen e se conten cousas, mesmo ensinándolles a usar o debuxo, os pictogramas e a linguaxe escrita.

Compositor: Fernando Fernández Picos

Cadernos de pauta Montessori estreita

Publicamos nunha entrada anterior o enlace ao caderno pautado con pauta Montessori ancha, ao tempo que se explicaba a secuencia que ofrece Chirlo Merlo para adestrar a motricidade fina das mans de cara a unha escrita xeitosa.

Ofrecemos aquí o último elo neste proceso de dominio da letra manuscrita: o uso do caderno con pauta Montessori estreita. Para descargalo, pica sobre a cuberta.

Chirlo Merlo, unha mascota para a aula

Nesta entrada, ofrecemos un pequeno caderniño que contén os recortables para a construción dunha maqueta de Chirlo Merlo.

En realidade, o que se pretende é que Chirlo Merlo se converta nunha mascota da aula, "voando" pendurada do teito. Na nosa experimentación, cumpriu un papel importante como Chirlo Merlo carteiro, levando a correspondencia escolar dunha escola a outra. A expectación creada cando chegaba o momento de baleirar da súa bolsa as cartas recibidas e ler as mensaxes que contiñan pode dar idea do seu potencial motivador.

Para a descarga, pica sobre a cuberta:

Parte prealfabética: Guía Didáctica

Podes descargar, en formato pdf, a Guía Didáctica para traballar na aula co material correspondente á parte prealfabética de Chirlo Merlo. Só tés que clicar na cuberta: